Tuguegarao City-Ari manguruk y magatawa ta Penablanca Cagayan ta kabalin nga mabiktima ira na text scam.
Ta kinagi na magatawa nga Noel 25,tricycle driver anna Joan Pagulayan, 24,parehu nga residente ta nakagi nga ili,nakalawa ira ta text message nga naggafu kanni Benito Cattaran nga y simcard da ay nangaffu ta laptop anna cash nga P650,000.
Nekwa gapa tari y ngagan, edad,at address yatun ta insigida da nga iningwa.
Ta kabalin na piga nga oras ay igga akkul y biktima nga naggafu ta ngagan nga Gilbert Gonzales nga mawak nga mappadala ira tu kuwartu tapenu maiproseso y requirements da liye da mala y premyo da.
Insigida gapa nga nekaya na magatawa ta kuru ikaya da nga mala y dakal nga premyo da.
Namin annam ira nga nappadala ta remitance center nu anni ay kinse mil y nepadala dan.
Nattaka y magatawa megafu ta mangngagan ta Arna Gumenggeng da nehulug y kuwartu ngamme y numero y kukwa ni Gonzales.
Base ta text message na remitance center ay nala na scammer y nepadala da nga kuwartu ta Sultan Kudarat.
