TUGUEGARAO CITY- Nakasowan ta rape anna Violence Against Women and Children y tadday nga yema ta kabalin nga takitan na y nesinna na nga atawa na ta kabalin nga mamwan na nga nabayak na balattan nga molestiyan y ana da nga maginganay ta Peñablanca,Cagayan.
Kinagi ni Police Chief Inspector Joefferson Gannaban, hepe na PNP Peñablanca,ta istroya na yena na biktima,inangyanan anna tinakitan iyya na mister ta kabalin nga mamwan na nga kasowan na yaw megafu ta minolestiya na y ana da.
Kinagi ni Gannaban, ta istorya gapa na maginganay,namegafu turi 14 anyos paga iya kanu ay namegafu na nga molestiyan na yema na turi nasinna y magana na.
Megafu ta ari na kaya ngana y kukuwan na yema na ay nedanuk na ta yena na.
Kinagi na nga nattalaw turi nga idanuk yaw megafu ta kinagi na yema na nga patayan na iyya anna y yena na.
Kinagi paga ni Gannaban nga ma counsel y biktima megafu ta masita nga igga trauma na ta nesimmu nissa.
