TUGUEGARAO CITY-Kulong ang isang magsasaka matapos saksakin ang nakainuman sa bayan ng Gattaran, Cagayan.
Batay sa imbestigasyon ng pulisya, kasalukuyang nag-iinuman ang biktima na si Armando Urian, 64-anyos at suspek na si Roger Calacsan, 63-anyos sa bahay ng suspek kasama ang ilan sa kanilang kapitbahay nang magkaroon ng hindi pagkakaunawaan ang dalawa dahil sa tanim na palay.
Dahil dito, kinuha ni Calacsan ang kanyang kutsilyo at sinaksak ang biktima sa kanyang dibdib.
Agad namang dinala sa pagamutan ang biktima ngunit idineklarang dead-on arrival ng umasikasong duktor.
Boluntaryo namang sumuko ang suspek sa mga opisyales ng barangay at dinala sa kapulisan na ngayon ay nahaharap sa kasong pagpatay.
-- ADVERTISEMENT --
