Mahigit 1,300 waterbirds ang naitala sa mga pangunahing wetland sa Cagayan province sa isinagawang Asian Waterbird Census (AWC) 2026 noong Enero 13–14, ayon sa Department of Environment and Natural Resources (DENR) Region 2.
Sakop ng survey ang mga lugar sa Buguey at Santa Teresita, kabilang ang Pattao Ponds, Minanga Weste Lagoon, at Bangalao Lake.
Itinatampok ng census ang ecological richness ng Cagayan’s wetlands bilang mahalagang lugar para sa migratory birds sa buong Asia.
Pinakamadaming species sa Pattao Ponds ay ang Black-winged Stilt, sa Minanga Weste Lagoon ay ang Kentish Plover, at sa Bangalao Lake ay ang Common Snipe.
Naitala rin ang iba pang ibon tulad ng Collared Kingfisher, Gray Heron, Little at Intermediate Egret, Common Greenshank, Striated Heron, Black-headed Gull, at Common Moorhen.
Ayon kay DENR Region 2 Executive Director Ismael Manaligod, ang AWC ay mahalaga para sa pagsubaybay sa kalusugan ng wetland ecosystems, pagtukoy ng mga banta, at pag-gabay sa mga hakbang sa konserbasyon.
Binanggit niya rin ang kahalagahan ng pakikipagtulungan sa mga lokal na komunidad upang mapanatili ang mga wetland bilang tahanan ng biodiversity.
Nabatid na ang matagumpay na census ay nagpakita ng resilience ng kalikasan at nagpapaalala sa responsibilidad ng lahat ng residente doon na pangalagaan ang mga likas na yaman para sa susunod na henerasyon.
