TUGUEGARAO CITY-Iningawa ngana y mandatory drug testing ta estudyante ira na Cagayan State University Tuguegarao City.
Kinagi ni Fr. Ranhillo Aquino,OIC President na CSU anna dean na San Beda Graduate School of Law nga yaw ay bilang angitunuk ta ikaya na Commission on Higher Education turi paga 2016 anna anmgisuporta ta kampanya ni Pangulong Rodrigo Duterte kontra iligal na droga.
Y fermi taw kinagi ni Fr. Aquino nga igga tallu nga estudyante y nappositibo ta droga.
Nenawak na nga nu masita nga nappositibo yaw ta confirmatory test ta Crime Laboratory ng PNP o ta Philippine Drug Enforcement Agency ay ari alawatan y estudyante nu anni ay iyangay da ta Department of Social Welfare and Development.
Amung na yaw kinagi ni Fr. Aquino nga neadde ta y enrollment ta CSU adde sonu August 11,2017 tapenu y ngamin nga estudyante ay mappa-drug test.
Kinagi paga ni Fr. Aquino nga sangaw olu nga semestre ay mandatory gapa nga ma drug test y ngamin nga empleado na CSU.
