TUGUEGARAO CITY -Pinegafanan ngana nga mangwa ta parol y nakafuku ta Tuguegarao City District Jail nga makagi nga partes na livelihood projects da ta kada paskwa.
Kinagi ni Jail Chief Inspector Ericlei Luis Lazaro, jail warden, siguradu nga karu mangngana y orders sonu Oktubre.
Kinagi na 386 y nakafuku tari nu anni ay 20% taw ay mangwa tu parol.
Y tafulad da taw ay panggatang da ta mawak da ta unak na karsel gitta na toiletries.
Fera ta mangwa ta parol ay mangwa da paga tubeads bonsai making.
-- ADVERTISEMENT --
