TUGUEGARAO CITY-Suportado na dati nga Senador Juan Ponce Enrile y paddeklara ni Presidente Rodrigo Duterte na martial law ta Mindanao.
Ta interview na Bombo Radyo,kinagi ni Enrile nga awan tu gafu para kontran y desisyon na Presidente.
Nanawak kanu y kajan na batas y igga ta presidente y desisyon ta nation tam nga maddeklara ta batas militar megafu ta gulu o banta ta seguridad ta Mindanao.
Awan gapa tu mapagimmang ta desisyong ni Duterte maski y Korte Suprema.
Neamung napaga nga igga deklarasyon na batas militar,ari gapa nga otomatiko nga masuspinde y privilege of Writ of Habeas Corpus nga proteksiyon na kada tolay ta anniman nga illegal detention.
Ngame ari gapa awuya na nga suspendyan na presodente y pribilehiyo na writ of habeas corpus nu mangwa di Duterte ta mekadwa nga deklarasyon.
