TUGUEGARAO CITY- Neune ngana ta piskalya y kaso nga pangontra ta Intellectual Property Code of the Philippines ta duwa nga tolay nga mallaku ta peke nga sigarilyo ta Tuguegarao City.
Nagangwa ta mattunuk nga raid y Criminal Investigation and Detection Group Region 2 anna Provincial Public Safety Battalion na Cagayan ta kabalin nga makakala ta search warrant ta korte.
Yaw ay ta kabalin nga nakalawa da ta reklamo ta tadday nga kumpanya na sigarilyo nga igga nessussu nga peke nga sigarilyo da Leovina Simangan anna Reimilio Ballad Lee.
Nala ta balay ni Villanueva y 3,700 nga pakete na peke nga sigarilyo nga Marlboro,Hope,Fortune anna Jackpot habang 509 nga pakete gapa y nala kanni Lee.
Namwan nga nevulu ta raid y respondents anna representatives na complaints nga ira da Atty. Clarence Evangelista, Richard Cac anna Michael Joevallanos,PMBS anna PMFTC Illicit Trade and Prevention Specialist.
