TUGUEGARAO CITY-Marigatan y PNP nga mamwan nu sinni y appa nga akkoko nga nanallung anna nakkoko ta duwa nga establishment ta Tuguegarao City.
Kinagi ni Police Chief Inspector Alexander Tamang, nga yaw ay megafu ta patayan na duwa nga establishimento y CCTV kada gabi.
Base ta olu nga imbestigasyon tinallung na akkoko y tadday nga grocery store nu anni ay ina da y P10,000 at cellphone habang P127,000 gapa ta kabiko na nga dry goods store.
Kinagi ni Tamang,tinallung na akkoko ira y MGM grocery store ta angdaral da ta grill na benta na yaw.
Luminakak y akkoko ira ta 3rd floor na anna zinaral da y bubung na NOVO store tapenu makatallung da taw.
Kinagi ni Tamang nga awan tu gwardiya y MGM habang igga gapa ta NOVO ngamme ari na kanu natageno y attallung na akkoko megafu ta nakakaturuk iyya ta ala una na albasu.
Ngamme kinagi ni Tamang nga posible nga 9:00 pagalang na gabi ay nakaturuk ngana y gwardiya.
