TUGUEGARAO CITY- Imbestigan ngana na PNP y nakuwa nga robbery hold-up ta ili na Baggao,Cagayan.
Base ta imbestigasyon na PNP, takay ta Isuzu Forward y negosyante nga si Virgilio Ordinario na Isabela kavulu na y tallu paga turi abatan ira na tallu nga ari paga mamwan nu sinni ira yaw ta Brngy. Masical.
Insigidad nga nunet y tadday ta suspek ta benta na driver’s seat anna pinoppo na ta palattuk y driver na takay.
Natallung gapa y tadday ta unak anna nasserbi nga look out y tadday paga.
Ina kanu na suspek y dala da nga cash nga P270,000 fera paga ta P3,000 ta pitaka na negosyante, celphone anna passbook.
Ina kanu gapa na suspek y.45 calibre nga palattuk na negosyante anna nepputuk da semento liye da nga nanaw.
Base ta negosyante,igga duwa nga long firearms anna tadday nga short firearm y suspek ira.
