TUGUEGARAO CITY- Umay ta P6.1 million y balor na fully grown marijuana y dinaral na otoridad nga naggafu ta tallu nga ammulan nga nadiskubre na otoridad ta Kalinga.
Binattul anna tinuggi na 50th Infantry Battalion, 5th Infantry Division, Philippine Army; Philippine Drug Enforcement Agency anna Kalinga Police Provincial Office y narekober nga marijuana
plantation nga igga kalawa na nga 5,200 square meters ta Mt Chumanchil, Brgy Loccong, Tinglayan, Kalinga.
Matageno nga milyun-milyon y balor na marijuana y nadiskubre anna zinaral na otoridad ta nakagi nga lugar turi nabalin nga ragun.
Amung na yaw ay kinagi na Armed Forces of the Philippines nga nakiergo da ta PDEA ta iningwa da nga operasyon kontra ta iligal nga druga tapenu mala ngana y imammo anna mayaman ng
nation tam.
