TUGUEGARAO CITY-Nakafuku sangaw y tadday nga lalaki ta kabalin nga mapalattugan-natay y wagi na ta Camalaniugan,Cagayan.
Kinagi ni Police Chief Inspector Gary Matagay,hepe na PNP Camalaniugan,liye y pamalattuk ay,kinompronta ni Albert John Unida,27,biktima y wagi na nga si Alden,21 anyos megafu ta ari na kanu ivulu ta assugal na yatun ta naggungu ira.
Nanga ta kayu y biktima anna nattallung ta balay da y suspek para barukan na nakwan ta kayu ngamme ina gapa ngana na suspek y samurai na.
Megafu ta ay nakkarela y biktima ta balay da anna ina na y palattuk na anna pinalattugan y wagi na.
Ina gapa na suspek y palattuk na ta kuwarto da ann pinalattugan y biktima.
Turi vukatan na biktima y benta ta likuk na balay na suspek ay napalattugan iyya na suspek nga nakannay simig na nga gafu na pappatay na.
Kinagi paga ni Matagay nga na-obserba gapa ngana na suspek ta kabalin na pamalattuk anna turi siriban na y wagi na ay napedda ngana yaw anna nazigu ngana ta daga na.
Megafu taw kinagi na kiggayang da nga sugal y gafu na anna kinagi da nga iyangay da y biktima ta ospital.
Ta pangivu gapa na pulis kanni Adel,kinagi na nga ari na nesadya nga palattugan y wagi na.
