TUGUEGARAO CITY-Kinagi ni Mayor Lloyd Antiporda na Buguey,Cagayan nga ari sangkot y iligal nga droga y familya na.
Nenawak ni Antiporda ta annual anti-illegal drug campaign report na Municipal Peace and Order Council asunto ta makagi nga kavulu y ngagan na ta narco list ni Presidente Rodrigo Duterte.
Kinagi na mayor nga y pinabbasehan da laman ay y balita ira nga sangkot ira tu iligal nga droga nu anni nala ta duwa nga deposit slip ta warehouse na Chinese national nga si Michael Lee nga sangkot ta iligal nga druga ta Santa Ana para ta bank account na atawa na.
Base kanni Antiporda,y nedeposito nga kuwartu ni Lee ta account na misis na ay paga na nelaku na nga takay.
Ari gapa inamin ni Antiporda nga igga nasita nga cheke nga mabbalor tu P9 Million pesos nga neddan niyya.
Manguruk iyya nga igga kauvulu ta asunto na pulitika y paddamay nissa ta iligal nga droga.
Megafu taw kinagi ni Antiporda nga plano na nga mappasita kanni Duterte tapenu ikanawak y ngammin anna mapakarenwan y ngagan da.
