TUGUEGARAO CITY – Nappalawan tu abiso y Food and Drug Administration (FDA) tapenu kajan nga y meewarena nga impormasyon nga kontaminado kanu ta taki y delata nga prutas nga naggafu ta Thailand.
Base ta FDA, ari manguruk ta neewara nga impormasyon nga kinumfirma na Thai Government nga kontaminado ta daga na Human Immunodeficiency Virus o HIV Carrier y canned fruit, gitta na lychee, longgan, rambutan anna mango pudding nga nagaffu tari.
Ngamme kinagi na FDA,y neewarena nga impormasyon ta internet kunne gapa ta text message ay makagi nga unverified, misleading anna ari kustu nga impormasyon.
Nakiergo gapa ta Thai Department of Agriculture y Philippine Food and Drugs Authority tapenu kajan nga awan tu kakurugan na y nakagi nga impormasyon anna awan tu ebidensya nga mappakuruk ta akusasyon.
MEgafu taw ay kajanan na FDA y publiko nga ari da iwarena y impormasyon nga ikahurung na publiko.
