Menor de edad nga bagu nga recruit kanu na NPA, nassurender ta militar ta Cagayan
TUGUEGARAO CITY – Tadday kanu nga babay nga recruit na New People’s Army (NPA) y nassurender ta otoridad ta ili na Baggao, Cagayan.
Y nassurrender nga bagu nga recruit ay si alyas Candy, 16-years old nga taga-Brgy. Hacienda Intal, Baggao.
Ta impormasyon nga neadde ni Lt. Col. Rembert Baylosis, commanding officer na 17th Infantry Battalion, ta Bombo Radyo tallu paga nga menor de edad nga paryentes kanu na nassurender nga bagu nga recruit y masussu ta Brgy. Balanni, Sto. Nino.
Mahurung y nassurender nga menor de edad ta sitasyon na bagu nga na-recruit megafu ta nazziga y attolay ta kabalukurwan ta Brgy. Balanni yatun ta kaya na nga maggukak da gapa ngana.
Magiskuwela da ta Hacienda Intal National Highschool ta ili na Baggao turi arutan da ira nga mammiyembro ta Charlie Platoon, West Committee na NPA turi vulan na Enero.
Boluntaryo nga nassurender yaw ta militar megafu ta nasita na nga ziga na attolay ta kabalukurwan ta uffun gapa na kakilala na ira ta lugar.
Base kanni Baylosis nga sinundu da y bagu nga recruit nga nassurender ta gobyerno ta ili na Baggao.
Arutan na gapa y dudduma paga nga NPA member nga massurender ngana ta gobierno para ta seguridad da.
