TUGUEGARAO CITY-Kinadiyanan na Department of Education Cagayan y mana na kindergarten pupil nga tinappalan na mestra na nga mangiyune ta reklamo.
Kinagi Ferdinand Narciso na DedEd Region 2, nga mawak nga mangiyune ta pormal nga reklamo na magana na abbing kontra kanni Ruby Jane Badajos na Namabbalan Elementary School,Tuguegarao City para tapenu mangwa ira tu aksion ta kabalin nga maayus ngana ta arubang na opisina na principal da.
Kinagi na opisyal nga posible nga malaffu y lisensiya na mestra nu mapakurugan nga nakaliwa yaw.
Olu taw ay kinagi na mestra nga unintentional anna ari na natageno nga natappalan na y abbing turi ari makatindi ta nepakwa na nga aktibidad.
Kinagi gapa na yema na abbing nga na-trauma kanu y ana na anna ari na kanu ikaya ngana y gubbo.
Ngamme kinagi na yema nga ari da ngana nga marreklamo kontra ta mestra megafu ta nakkiddaw iyya ta pasensya anna napakoma ngana iya.
Nag-viral ta social media y nakagi nga attappal na mestra nga nakakala ta karu nga negatibo nga komento maggafu ta totolay ira.
Y mestra ay pitu vulan nga mabussi anna duwa ragun ngana nga mattuddu ta nakagi nga skwela.
