TUGUEGARAO CITY-Natay y tadday nga mestru anna tadday nga estudyante ta kabalin nga naddompar y motorsiklo da ta ili na Sta Ana, Cagayan.
Kinagi ni police officer 3 Joel Palor, imbestigador na kaso,igga ta dalan y duwa nga biktima nga ira da Jaymark Poblete, 16-anyos anna Mark Cavin Benigno ,25-anyos, public teacher y ta brgy
Palauig takay ta motorsiklo da.
Kinagi na nga parehu nga iniwasan na biktima y nanonuk nga danum ta aggik na dalan nga gafu na akkadompar da.
Megafu ta sikan na impak,newaki y duwa anna nabigaran y baggi da nga gafu na appatay da.
Fera taw igga gapa ta kritikal nga kundisyon y neangkas da nga estudyante nga si Edward Tero,18-anyos habang gasgas y atawa na mestru na.
Naganaway gapa nga awan tu gasgas na y 2 anyos nga ana na mestru nga angkas na motorsiklo da.
