Mga baril at bala, nasamsam sa bahay ng isang magsasaka sa Apayao

Inaresto ng mga kapulisan ang isang magsasaka matapos makumpiskahan ng mga bala at baril sa kanyang bahay sa bayan ng Flora, Apayao.

Kinilala ang suspek na si Marcos Ragutero, 47 anyos at residente sa Brgy Malayugan.

Sa imbestigasyon ng pulisya, habang nagsasagawa ng paghahalughog sa bahay ng suspek sa bisa ng search warrant ay nakita ang ilang kalibre ng baril at mga bala sa mismong kwarto ng suspek.

Kabilang sa mga narekober sa bahay ng suspek ang isang homemade shotgun; isang shotgun branded with New Cobra; isang Converted .22 Uzi-type rifle; isang converted .22 Rifle; isang shotgun magazine; at iba’t ibang bala ng baril.

Sasampahan naman ng kasong paglabag sa RA 10591 o Comprehensive Firearms and Ammunition Regulation Act ang suspek.