Pormal nang ipinroklama ngayong araw ng Commission on Elections (Comelec) ang nanalong party-list groups sa katatapos lamang na 2025 midterm elections.
Eksaktong alas-3:00 ng hapon kanina nang magsimula ang proklamasyon para sa 54 na party-list groups na pasok sa Kongreso.
Sa talumpati naman ni Comelec Chairman George Garcia, kinumpirma nito na dalawang nanalong party-list ang hindi ipinroklama ngayon dahil sa mga nakabinbing kaso sa poll body.
Ayon naman kay Kabataan Party-list first Nominee Atty. Renee Co, “deserve” welcome sa kanila ang naging desisyon ng poll body na hindi muna iproklama ang Duterte Youth Party-list.
Sa isang pahayag, sinabi ng Duterte Youth na dudulog sila sa Korte Suprema dahil sa umano’y naging grave abuse of discretion ng Comelec.
Samantala, naghain naman ng urgent motion to proclaim sa Comelec ang Bagong Henerasyon Party-list para maiproklama pa rin matapos na hindi rin sila isama sa proklamasyon ngayong araw.
