TUGUEGARAO CITY-Dismayado ang mga opisyal ng Namabbalan Norte,Tuguegarao City matapos na hindi na matutuloy na ideklarang drug cleared ang kanilang barangay.
Ito ay matapos na may mahuli na isang drug suspect sa isinasagawang buy bust operation kamakailan sa nasabing barangay.
Sinabi ni Kagawad James Patuggalan,umaasa sila na magbigay ng konsiderasyon ang PNP sa pagbawi na isa ang kanilang lugar na maideklarang drug cleared dahil hindi naman residente ng barangay ang nahuling drug suspect.
Nabatid na dalawa lang ang sumukong sangkot sa iligal na droga sa nasabing barangay na sumailalim na sa barangay Based Community Rehabilitation Program.
