Patay ang isang lalaki matapos nitong gilitan ang kanyang leeg sa bayan ng Claveria, Cagayan.
Sinabi ni PSSGT Chelvin Calantes, imbestigador ng PNP Claveria, batay sa kanilang imbestigasyon, nagkaroon ng away ang mag-asawa na humantong sa pananaksak ng mister sa kanyang misis.
Ayon sa kanya, umawat ang ama ng lalaki, subalit sandali itong umalis upang tignan ang kanyang asawa na nahimatay.
Nang bumalik na ang ama sa mag-asawa ay nakita niyang ginilitan na ng kanyang anak ang kanyang leeg na agad na dinala sa ospital subalit idineklara siyang dead on arrival ng umasikasong duktor.
Ayon pay kay Calantes, ginagamot na sa Cagayan Valley Medical Center sa Tuguegarao City ang misis na nagtamo ng saksak sa kanyang dibdib at likod.
Sinabi ni Calantes na sa kanyang pagtatanong sa ama ng lalaki ay hindi niya alam kung ano ang pinag-awayan ng mag-asawa.
Nabatid na sila ay may tatlong anak at residente ng Fuga Island, Aparri .
