TUGUEGARAO CITY – Nappabalo ta tropa na gobierno y miyembro na rebelde nga New People’s Army o NPA nga nagafu kasabay na engkwentro na suddali anna NPA ta Brgy. San Ramos, Nagtipunan, Quirino.
Amung na yaw kinagi ni Arnold Jamias, 28-anyos na Brgy. Sangbay, Nagtipunan nga mabbabawi ta iningwa na.
Kinagi ni Jamias, na maski madduda iyya ganuri nga patayan iyya na suddalu nu massurender ay iningwa na laman para moffunan iyya megafu ta awan tu mangoffun niggina nu ari y nakalaban da nga suddalu.
Yatun ta napabbalo iyya turi urwan iyya na suddalu anna neangay paga iyya ta ospital.
Naddesisyon gapa y doctor nga laffutan yari uffu na tapenu ari nga makaimpeksiyon.
Istorya na nga tangavulan nga supporter kanu na NPA.
Sangaw si Jamias ay nakafuku ta Bureau of Jail Management and Penology (BJMP) ta Maddela, Quirino.
