TUGUEGARAO CITY-Nagafutan ta naassikan nga palattuk anna bala y tadday nga lalaki nga nappakilala nga pulis ta unak na pampasahero nga bus ta ili na Sanchez Mira, Cagayan.
Y suspek ay si Johny Cuaresma, residente ta ili na Camalaniugan.
Ta interview na Bombo Radyo kanni Virgillio Durado Jr, hepe na Sanchez Mira-PNP nga sinita da y suspek ta kabalin nga mappakilala iyya nga miyembro na PNP ta tadday nga pulis nga nakatakay gapa ta bus.
Megafu ta awan tu mepasita na nga ID na ay inaresto yaw anna nekazza iyya ta Sanchez Mira PNP.
Ta angimbestiga na otoridad ay nadiskubre nga naassikan nga naduma duma nga klase na palattuk anna bala y nala nissa nu anni ay gitta na shotgun, calibre 357 anna AK-47.
Nasita kanu ta carton y nassirinna nga partes na AK-47 anna magazine nga awan tu mepasita na nga dokumento.
Fera ta kaso nga usurpation of authority ay makasowan gapa y suspek ta illigal nga pabbitbit na ta palattuk.
