TUGUEGARAO CITY – Kinumfirma na PNP nga minolestiya liye da nga pinatay y narekober nga baggi na tadday nga estudyante ta irrigation canal ta ili na Baggao, Cagayan.
Y biktima ay si Fedelyn Danga, 19-anyos, college student anna residente ta Brgy Hacienda Intal.
Ta interview na Bombo Radyo kanni PCI Emil Pajarillo, hepe na PNP-Baggao, nasita nga igga senyales nga narape y biktima megafu ta napissang anna igga nabattang nga semilya ta pepe na.
Ta imbestigasyon,nasita nakakwan na krimen y bodja, tsinelas anna payong nga kukwa na suspek nga si Nolizer Dumayag 30-anyos, residente gapa ta nakagi nga Brgy.
Insigida gapa nga nagafu ta hot pursuit operation y suspek ta balay da nu anni nasita nga igga karamu ta baggi na nga senyales nga nakillaban y biktima.
Namwan nga driver si Dumayag ta familya na mapagilammu ta biktima.
Iprepara napulisya y kaso nga rape ta suspek nga igga ta kustodiya ngana na PNP.
