TUGUEGARAO CITY – Pormal ngana nga namegafu y National Information Convention (NIC) 2018 ta Davao City nga mabalin sonu Pebrero 21.
Kinagi ta Bombo Radyo ni Oliver Baccay na Philippine Information Agency (PIA) Region II nga navvurulu y 1700 information officers ta interu nga nation nu anni 60 y contingent na rehiyon dos.
Kinagi na nga nakasta y angisarabu nira ni Davao City Mayor Sara Duterte.
Iningwa da yaw megafu ta ikaya da nga pakastan y pangiddan da ta impormasyon ta publiko anna y ikaya da nga meddenan ta aru nga testema y information officers ira ta pangiddan tu programa na gubyerno ta publiko.
Fera ta lecture,igga gapa actual presentation ta bagu nga teknolohiya asunto ta broadcasting anna photography.
Igga gapa maangay nga plenary session ta convention asunto ta fake news anna tu anni y kwan na gubyerno tapenu mapemmang y angiwara tu ari kustu nga impormasyon.
Kinagi paga ni Baccay nga dakal nga kari ta information officers ira y 3 day event nga suportan y ikaya na Duterte administration nga mabbalain nga batas y Freedom of Information Bill (FOI).
