TUGUEGARAO CITY-Aru nga anggulo y sitan sangaw na PNP Lallo,Cagayan ta pamalattuk-natay na riding-in tandem suspects ta tadday nga negosyante.
Ta interview kanni Police Chief Inspector Eugene Mallilin,hepe na PNP Lallo nga igga asunto ta negosyo o igga kigungu na biktima nga si Reynante Collado ta ili na Gattaran.
Kinagi na opisyal nga gigyamwan gapa na otoridad y text messages ta celphone na biktima baka awuya na nga makakala ira na lead tapenu mamwan nu sinni y suspek ira.
Takay na motorsiklo si Collado anna igga backrider na nga si Alvin Liban nga naggafu ta Gattaran anna umay da nakwan ta Bnrgy. Dagupan tapenu maggatang ta nuwang turi palapalattugan ira na suspek.
Ari gapa nakanna ta palattuk y backrider na biktima nu anni ay gasgas laman yaw megafu ta natomba y motorsiklo nga nattakayan na megafu ta pamalattuk.
Kinagi ni Mallilin nga dead on the spot y biktima megafu ta tallu nga tama na palattuk ta baggi na.
