Obstacle record holder Precious Cabuya sasabak sa 2026 OCR World Championships

Muling kakatawanin ni Precious Cabuya ang Pilipinas matapos makatakdang lumahok sa 2026 OCR World Championships sa Limerick, Ireland.

Ang obstacle racing world record holder at Guinness World Records titleholder ay sasabak sa 100-meter obstacle event kasama ang pinakamahuhusay na atleta sa buong mundo.

Limang beses nang nabasag ni Cabuya ang world record sa 100-meter obstacle race.

Hawak din niya ang Guinness World Records title para sa pinakamabilis na 100-meter obstacle course race matapos magtala ng 32.732 segundo sa 2023 Southeast Asian Games.

Noong nakaraang taon, lumahok din siya sa OCR World Championships sa elite women’s individual at elite mixed team relay events.