OFWS ta Malaysia,todo suporta ta Pinoy athletes ira ta SEA Games

TUGUEGARAO CITY-Nagangwa ta text bridage y grupo nga OFW ta Malaysia para ikagi y suporta ta Pinoy Athletes ta South East Asian Games.

Kinagi ni Rachel Magpayak,fera ta text brigade ay aru y OFWs ta Malaysia y ninay ta venue na SEA games para maggiraw anna mach-cheer nu day-off da.

Kinagi gapa ni Suzette Guevarra,nu ari da gapa nga personal nga makakangay tari ay maggiraw da laman ngana ta telebisyon.

Idasal da nga pare nakwan ay makakala tu aru nga medalya y Pinoy athletes ira.

Nakayatan da gapa y nakakkasta nga opening ceremony na Sea Games turi August 15,2017.