TUGUEGARAO CITY – Nabigaran y onse nga tolay ta kabalin nga nabbalittak y nattakayan da nga pampasahero nga jeep ta Brgy Taniok, New Tanglag, Tabuk City, Kalinga.
Mallawan ta imbestigasyon na pulisya nga napputuk y ziwanan nga pilik na takay nga manehuwan ni Rosalino Ampok, 39 anyos na Balbalan, Kalinga.
Matantiya nga 98 metro nga nakkarolik y takay adde ta nabangga na y concrete canal liye nga nabbalittak yaw.
Nabigaran y ulu anna baggi na biktima ira yatun ta insigida da nga nekkarela ta ospital.
Namwan nga naggafu ta Pinukpuk y pasahero kavulu da y tallu nga menor edad nga mappange ta Syudad na Tabuk .
-- ADVERTISEMENT --
Igga ngana ta PNP y driver na jeep habang imbestigan da y nakagi nga insidente.
