TUGUEGARAO CITY-Taftafulan sangawa na otoridad ira y opisyal na cargo ship nga nalimo ta kabalin nga mapalakak y barangay nga nattakayan na ta Basco, Batanes.
Y biktima ay si Jhun Roldan, 34-anyos anna residente na probinsiya na Aklan.
Kinagi ni Police Senior Insp. Edison Lagua, information officer na Batanes Police Provincial Office (BPPO) ninay ta Basco y MV Everwin 1 nga naggafu ta Currimao, Ilocos Norte.
Nattakay taw si Roldan kavulu na y appa paga tapenu maggatang ta mawak da ngamme napalakak y nattakayan da turi manoli da ta pier turi December
26.
Si Roldan laman y nawawan adde sangaw.
Kinagi ni Lagua nga duwa laman y kapasidad na barangay nga nattakayan da ngamme lima ira gare yatun ta napalakak yaw ta na-overload yaw fera paga tu aru y palung na.
Sangaw ay igga ta probinsiya na Batanes y paryentes ni Roldan tapenu ilabbe y rumenta na ira.
