TUGUEGARAO CITY-Bantayan na Overseas Workers Welfare Administration y sitwasyon ta Qatar nemanno y OFWs tari.
Ta interview na Bombo Radyo,kinagi ni OWWA Administrator Hans Leo Cacdac,nangikwa da na ta hotline ta facebook anna twitter para ta OFWs ta Qatar .
Kanagi na nga ta nala da nga feedback ta hotline,normal y sitwasyon ta Qatar.
Siniguru na nga nakaprepara da na nu makkaru y sitwasyon ta Qatar nga awuya nga mafektan y OFWs.
Matageno nga nahurung y OFWs kunne gapa ta taga Qatar turi laffutan na Middle East y diplomatic ties ta Qatar.
Igga ngana ta 240,000 y Filipino ta Qatar.
Fera taw ay kinagi ni Cacdac nga nakakadde ngana y 178 nga undocumented OFWs ta Jeddah nga neddennan ta amnesty na Saudi Arabia.
Kinagi na nga meddennan ta suporta y malabbe nga ofw ta programa na gobyerno para ta nalabbe nga OFWs nga awan tu trabaho na ta tanakwan nga nation tam.
