TUGUEGARAO CITY-Mismo nga y taga-Overseas Workers Welfare Administration (OWWA) Region 2 y ninay ta balay da Melody Albano Castro ta Brgy. Baguian, Abulug, Cagayan.
Yaw ay tapenu i-proseso y uffun nga idan da ta familya na Pinay care taker nga nadamay ta 6.4 magnitude nga lunik ta Hualien, Taiwan turi Miyerkules.
Kinagi ni Mary Jane Albano-Abig, tiyahin ni Melody nga siniguradu na OWWA y insigida nga repatriation ta baggi na OFW.
Kinagi na OWWA nga mederetso ta Tuguegarao City Airport y baggi ni Melody para ari gagasto nga umay ta Maynila y familya na.
Ekspektan nga malabbe sonu mappange nga liggu y baggi na yaw.
Kinumfirma gapa na familya na nga naminpiga nga nappatali ta employer si Melody megafu ta narakay y amu na ira.
Nappromeso gapa tu uffun si 2nd District Congresswoman Baby Aline Vargas-Alfonso ta familya na biktime.
Kinagi na Secretray ni Congw. Vargas-Alfonso Aleth Binua nga kukwa na kongresista magastos ta palabbe anna pangitanam ta kanni melody.
