Tuguegarao City-Umay ta P2Milyon y malawa na familya na pinay care taker nga natay ta lunik ta Taiwan.
Kinagi ni Labor Secretary Silvestre Bello III, maski inactive member na OWWA nga si Melody Albano Castro ay makalawa y familya na P100,000 financial aid nga maggafu ta ahensiya fera ta 15,000 nga livelihood assistance.
Kinagi paga ni Bello nga makalawa si Castro ta P15,000 funeral assistance anna P10,000 ta kada ragun tapenu ta pagigyammu na elementarya na ana na.
Kinagi na paga nga napaga ta insurance nga mabbalor ta 500,000 new Taiwan dollars nga katumbas na P879, 072 y Japanese employer na pinay.
Mangiddan gapa tu compulsory insurance nga 15,000 US dollars o P773, 250 y employment agency na pinay.
Mangiddan gapa tu 100,000 taiwan dollars o P175,000 y haulien city government nu sitaw nga natay y ofw.
Siguradwan gapa na opisyal nga malawa na familya na pinay y nakagi nga benepisyo.
