P400,000,pabuya ta makapattuldu ta namalattuk natay nga PDEA agent ta Cagayan

TUGUEGARAO CITY -Nelawan na Philippine Drug Enforcement Agency (PDEA) RO2 y video nga nala na closed-circuit-television camera (CCTV) ta pamalattuk na riding in tandem ta tadday nga PDEA agent ta Tuguegarao City.

Magiraw ta footage y pambbunut na suspek nga nakatakay ta motorsiklo kanni Mark Ventura nga nakaangkas gapa ta motorsiklo.

Amung na yaw kinagi ni Laurefel Gabales,director na PDEA Region II ,nangilawan ta P400,000 nga pabuya y ahensiya ta impormante nga posible nga mangituldu ta suspek ta pappatay kanni Ventura.

Kinagi ni Gabales, ta angoffun na familya ni Ventura anna y tolay ira ay navukal y nakagi nga balor na kuwartu.

Matageno nga pinalattugan na riding-in-tandem si Ventura turi Oktubre-02 ta Pengue Ruyu,Tuguegarao.