TUGUEGARAO CITY- Mangiddan tu P50,000 nga pabuya y lokal nga gobyerno na Solana,Cagayan ta sinniman nga makakakeddan nu sinni y suspek ta pappatay ta tadday nga maginganay ta Solana,Cagayan.
Kinagi ni PSI Renz Marion Baloran, hepe na PNP Solana nga nakaprepara y mayor na Solana nga mangiddan tu pabuya tapenu maresolba y nakagi nga krimen.
Amung na yaw kinagi ni Baloran nga imbestigahan da paga nu biktima iya na gang rape o pinatay da laman y maginganay.
Kinagi na nga tuluy laman y pagimbestiga da ta tallu nga“persons of interest” ta nakagi nga krimen.
Megafu taw ay makimemallo iyya ta totolay nga ari nga mangiddan tu spekulasyon ta nakagi nga krimen.
Olu nga nasita y baggi na babay nga igga senyal na galu ta karalong na.
Kinagi na tiyu na biktima nga nasita na ta talipapa y babay nga nakabesin aranni ta balay da yatun ta nekadda na turi ninay tari y pulis.
