TUGUEGARAO CITY-Senyales kanu nga maggina y opisyal ira ta totolay ta kabalin nga iddan y kiddawan da nga budget na Commission on Human Rights o CHR nga olu nga kinagi da nga P1,000 laman y pondo da.
Kinagi ni Atty. Jacqueline Ann De Guia, Information oficer na CHR nga ipasita na elected officials ta nangiboto nira y dapat nga makuwa.
Kinagi paga ni De guia nga resulta yaw na naumpik nga diskurso anna angilawan na taki na unak ta tadday nga isyu.
Inaru na gapa y publiko nga ituluy da laman nga ipasita y interest da ta isyu na human rights violations nemanno ta kanayun nga igga mesimmu nga patayan ta naduma duma nga lugar ta Pilipinas.
Siniguro na gapa nga mapuwesto laggapa nga independent y CHR maski igga warning y kaalyado ni President Rodrigo Duterte.
