Inirerekomenda ng National Bureau of Investigation ang pagsasampa ng kaso laban kina Sen. Joel Villanueva, Sen. Jinggoy Estrada, Ako Bicol party-list Rep. Elizaldy “Zaldy” Co, dating Public Works and Highways Usec. Roberto Bernardo, dating Caloocan 2nd District Rep. Mary Mitzi “Mich” Cajayon-Uy, at ex-Bulacan District Engineer Henry Alcantara.
Sinabi ni Justice Secretary Jesus Crispin Remulla na ang inirekomendang mga kaso ay para sa indirect bribery at malversation ng pampublikong pondo.
Dagdag pa niya, nakatakda ring maglabas ng freeze order ang Anti-Money Laundering Council para sa mga ari-arian ng anim na indibidwal.
