TUGUEGARAO CITY- Naniniwala ang Bantay Bayan Rider Arangkada Philippiles na pulitika ang nasa likod ng pagsuspindi ni Pangulong Rodrigo Duterte sa Motorcycle Crime Prevention Act o binansagang “Doble Plaka Law”
Naniniwala s John Allam,coordinator ng nasabing grupo sa Region 2 na ginawa ito ni Duterte upang hindi maapektuhan ang kandidatura ng mga administration candidates matapos na makita ang galit ng mga motorista sa pagkakapasa ng nasabing batas.
Iginiit niya na pagkatapos ng eleksion ay tiyak na ipatutupad na ang nasabing batas .dahil sa nilagdaan na ito ng pangulo
Nilinaw ni Allam na hindi sila tutol sa paglalagay ng dalawang plaka sa mga motorsiklo subalit hindi ang laking 8×9 inches sa halip ay dagdagan lang ng 1/4 inch ang kasalukuyang sukat ng plaka.
Ayon sa kanya,makakaapekto sa kanilang pagmamaneho at maaaring makakaabala pa sa kanilang byahe.
Dahil dito,sinabi niya na pinaghahandaan nila ngayon ang kanilang gagawing hakbang pagkatapos ng eleksion upang igiit ang kanilang pagtutol sa nasabing batas.
