Ang Canada at Pilipinas ay nasa huling yugto na ng negosasyon para sa isang mahalagang kasunduan sa depensa na magpapahintulot sa kanilang mga pwersa na magsagawa ng mas malalaking military drills sa West Ph Sea, kung saan mariing tinutulan ng Ottawa ang mga “provocative at unlawful actions” ng China, ayon sa Canadian ambassador sa Maynila.
Pinapalakas ng Canada ang presensya nito sa Indo-Pacific region at nakatuon sa pagtulong upang itaguyod ang rule of law at pagpapalawak ng kalakalan at pamumuhunan.
Ito ay sumusuporta sa mga hakbang ng Pilipinas sa ilalim ng administrasyon ni Pangulong Marcos upang palawakin ang ugnayang pandepensa sa mga kaalyadong bansa upang mapagtibay ang panlabas na depensa ng bansa habang hinaharap ang mas agresibong China sa mga pinag-aagawang teritoryo.
Ayon kay Canadian Ambassador David Hartman, ang kanyang bansa at ang Pilipinas ay “nasa huling yugto na ng negosasyon ng status of forces visiting agreement na magpapahintulot na magkaroon ng mas makabuluhang partisipasyon sa mga joint at multilateral na pagsasanay at operasyon kasama ang Pilipinas at mga kaalyado sa rehiyon.”
Simula noong nakaraang taon, nagsagawa ang Philippine military ng mga multinational patrols at drills kasama ang mga kasamahan mula sa Estados Unidos, Japan, France, Australia, at Canada, kabilang na sa West Philippine Sea.
Noong Agosto ng nakaraang taon, nakipag-ehersisyo ang Canada kasama ang Estados Unidos, Australia, at Pilipinas sa mga air at naval maneuvers upang itaguyod ang rule of law at malayang pagdadaan sa West Philippine Sea.
Noong nakaraang taon, pumirma ang Canada ng kasunduan sa depensa ng kooperasyon sa Pilipinas.
