Pahinante nga biktima na holp-up ta Tuguegarao, nakuryente ta Gattaran, Cagayan

TUGUEGARAO CITY – Maddaggun nga maurwan sangaw ta ospital y tadday nga pahinante nga nakuryente ta ili na Gattaran.

Y biktima ay si Lito Balsita, 27 anyos anna residente ta Pangasinan.

Base ta PNP gattaran nunet y biktima ta delivery truck anna nepilit na nga iyutun y wire na kuryente tapenu makadalan y takay da ta Brgy Centro Sur.

Maski nangiyusa ta tsinelas ay naguyu na y live wire nga gafu nga nakuryente yaw.

Namwan nga olu nga nabiktima ta robbery hold-up y duwa nga delivery truck nga grupo na biktima ta syudad na Tuguegarao nga naggafu ta Pangasinan anna maddeliver ta binarayang ta

Gattaran.

Ina na holdaper y celphone anna bag nga igga nadjan na nga P12,000 nga kukwa na biktima ira.