TUGUEGARAO CITY-Ginalakkan laman ni Archbishop Emeritus Oscar Cruz y newarena nga balita ta social media nga makwa nga santo y 17-anyos nga si Kian Delos Santos.
Ta istorya na ta Bombo Radyo Tuguegarao,kinagi ni Cruz nga ikallo anna idasal tam si Kian ngamme arayyu nga makwa iyya nga santo.
Nenawak na nga ari na igalo y nakwa kanni Kian ngamme aru y dapat nga proseso na liye nga maging santo y tadday nga tolay.
Maski matindyan ni Cruz nga megafu ta allo da ta biktima yatun ta nallawan y nakagi nga impormasyon ngamme ari yaw nakasta nga lafuk.
Kinagi ni Cruz nga awan tu ilawan nga impormasyon na simban asunto ta sainthood na bagitolay megafu ta ari lafuk y proseso na mabbalin nga santo.
-- ADVERTISEMENT --
