TUGUEGARAO CITY – Pinegafanan ngana na Technical Education and Skills Development Authority (TESDA) Cagayan y pangiddan da ta tool kits ta scholar na Special Training for Employment (STEP).
Ta interview na Bombo Radyo, kinagi ni Charito Santos, Provincial Director na TESDA, 66 scholars y neddennan ta tool kits nu anni 48 ta ili na Tuao habang 18 gapa ta Abulug.
Base kanni Santos, 25 paga y iddan da paga ta electronic materials ta naduma duma nga ili ta olu nga distrito na Cagayan.
Y nakagi nga tool kits ay mepay ta Electronic Appliance Assembly and Servicing (EPAS) training nga meusa na benepisyaryo ta kaggagaw nga attolay da.
Fera taw ay maddagun y pangifinalize da na TESDA ta brgy skills needs survey ta naduma duma nga barangay ta probinsya para mamegafu ngana ira ta atraining da depende ta skills nga kaya da.
Kinagi paga ni Santos nga igga ta 1000 slots y nesinna ta training for work scholarship program nu anni pegefanan da nga manga ta aplikante nu i-release ngana na TESDA central office ta tumunuk nga aggaw.
