TUGUEGARAO CITY – Mas nakasta kanu nga mapatay laman ngin ya lider ya New Peoples Army (NPA) nu makipattaggat da kanyo nekahi ya gubyernu nga massuko.
Yaw ya nekahi i Cagayan Gov. Manuel Mamba gafu ta madel-delay ya proyekto ya gubyernu kanyo extortion ya reb elde ira.
Nekahi ya gubernador nga mari nakasta ya kukuwan ya NPA nga pangungutong kan negosyante ira, passidug kan gamit entre pagharass kan sibilyan ira.
Nehalimbawa peba i Mamba ya pappatay kanyo lider ya Al-Qaeda nga i Osama Bin Laden tya parresolba ya Amerika kan terorismo.
Megafu tyaw, hinimok i Mamba ya rebelde ira nga maggukag da kanyo bundok iran entre massuku ngin nga katali ya iddan ya gubyernu nga uffun nga trabahu.
Kan sangaw, 14 rebel returnee ya neddanan kan trabahu ya pamahalaang panlalawigan tapus ya 11 e pinoproseso dan.
