Natay y tadday nga PDEA agent ta kabalin nga pala palattugan na riding in tandem criminals taw ta syudad na Tuguegarao.
Y natay ay si Mark Anthony “Alyas Marki” Ventura, residente na brngy San Gabriel.
Makasta gapa ngana y sitasyon na kavulu na nga nabigaran nga si Jonathan Juan.
Kinagi ni P/Supt Edward Guzman, hepe na PNP Tuguegarao, nakatakay y duwa nga biktima ta tadday nga motorsiklo nga manehuwan ni Juan turi tambangan ira na suspek nga nakahelmet anna nakajaket ta ngisi ta San Roque St., Brgy Pengue Ruyu.
Narekober na otoridad ira ta nakakwan na krimen y lima nga basyo na bala na kalibre 45 anna tadday nga deformed slug.
Kinagi ni Guzman nga ari da aryan y anggulo nga posible nga igga asunto na ta trabaho y motibo ta pappatay niyya.
Namwan nga aru ngana y accomplishments y biktima nu anni ay umay nakwan nga mat testigo ta tadday nga hearing asunto na illegal nga droga sangaw nga aggaw.
