TUGUEGARAO CITY-Siniguru ni Department of Justice nga awan tu lattu na y neune nga petisyon ta korte para medeklara nga terorista nga grupo y New People’s Army.
Kinagi na nga nabayak y pangiyune da ta petisyon ta Manila Regional Court nga iningwa laman kagabi megafu ta ginilammu labbi nga mapiya na National Prosecution Service ng DOJ.
Kinagi ni Aguirre nga ikaya da nga siguradwan nga anniman nga posible nga pangivu taw na supporters na NPA.
Kinagi na paga nga aru y mattaron ta petisyon anna medeklara nga terorista y NPA megafu ta pagatake ta tropa na gobierno ta kabalin na proclamation order nga nelawan ni Presidente Rodrigo Duterte turi December 2017.
Ta nakatura ta Section 17 na Human Security Act of 2007 nga naging basehan ta petisyon, mawak nga magapply y DoJ ta korte liye nga medeklara nga terorista y tadday nga
grupo o organisasyon.
Ekspektan ni Aguirre nga mas alistu ngana nga maresolba na NPA anna legal fronts kavulu na mangiddan na suporta gitta na revolutionary tax nu medeklara da nga terrorist
group.
