TUGUEGARAO CITY- Nakkaso ta Petition for Mandamus y legal department na executive department na Provincial Government na Cagayan kontra ta Provincial Board.
Kinagi ni Atty. Vicente Lasam, legal officer na Cagayan ,yaw ay megafu ta ari paga neppasa yo proposed annual budget na Probinsya.
Kinagi ni Lasam nga base ta Local Government Code,nga mawak nga mattuluy tuluy y angantindi na provincial board ta budget adde ta mepasa yaw.
Ngamme alle ari yaw nga prioridad na Sangguniang Panlalawigan.
Kinagi paga ni Lasam nga ny papabor kannira y korte ta nekaso da nga petition anna ari paga nga magguyu y SP ay awuya nga ma-contempt of court y provincial board
Kinagi paga ni Lasam nga ari da pilitan y provincial board nu anni ay ikaya da nga mepasa y budget.
Kinagi na nga ari makwa y plano nga proyekto na executive department nu awan tu budget para sangaw nga ragun nu anni y mafektan taw ay y Cagayano.
Neamung ni Lasam,ipasa laman ngana na SP y budget ordinance anna ari mawak nga metoli ta executive department.
