Bumaba ng 14% ang bilang ng mga tinatawag na “petty crimes” sa Paris mula nang nagsimula ang Olympic Games.
Ayon kay Lucio Cruz Sia Jr., Bombo International News Correspondent sa Paris, France, resulta ito ng mataas na bilang ng presensya ng mga police officers na katumbas ng 30K kada araw na naka-deploy sa mga pampublikong lugar.
Batay sa datos, nabawasan ng 24% ang insidente ng holdap at snatching habang 10% ang ibinaba ng car theft.
Nasa 200 naman ang naaresto kung saan mahigit 100 ang ikinostodiya sa pulisya.
Samantala, umaasa naman si Outgoing French Prime Minister Gabriel Attal na magkaroon ng positibong epekto sa ekonomiya ng bansa ang Paris Games sa kabila ng naitalang pagbaba ng kanilang tourist arrival.
-- ADVERTISEMENT --
