PH, nagpahayag ng pakikiramay sa Norway sa pagpanaw ni King Harald V

Nagpaabot ng pakikiramay ang Pilipinas sa Royal Family, pamahalaan at mamamayan ng Norway kasunod ng pagpanaw ni King Harald V sa edad na 89.

Ayon sa Department of Foreign Affairs, naging simbolo si Harald ng lakas at inspirasyon sa mga Norwegian matapos ang mahigit tatlong dekada ng paglilingkod bilang hari.

Pumanaw ang monarka noong Biyernes matapos ang 35 taon sa trono. Bilang pinakamatandang naghaharing monarka sa Europe, nakilala rin si Harald bilang isang repormista na nanguna sa Norway sa loob ng mahigit tatlong dekada.

Samantala, humalili sa kanya sa trono ang kanyang anak na si King Haakon VIII, na unang nagbigay ng pahayag bilang bagong hari at inalala ang kanyang ama bilang isang mabuting ama.