Pinay nga maturu tangaragun nga ari nasuweldwan anna abusowan na amo na ta Saudi, makkiddaw ta uffun

TUGUEGARAO CITY – Makkiddaw ta uffun y tadday nga Overseas Filipino Worker nga taga Cagayan nga abusowan na amo na ta Saudi Arabia.

Y pinay ay OFW nga si Ma. Krystel Ugale, tadday nga katulung ta Riyadh anna residente ta ili na Ballesteros, Cagayan.

Ta impormasyon nga nala na Bombo Radyo, ari kanu makalakak y OFW megafu ta biag na nga nala na ta angabuso na amo na.

Fera taw ay ari da iyya nga sinuweldwan ta tangaragun anna tallu vulan.

Yatun ta makkiddaw ra uffun si Ugale ta gobyerno para makalabbe ta Pilipinas.