TUGUEGARAO CITY – Nakakulung sangaw ya isa nga nappakilala nga presidente kanu ya Police Hotline Movement Inc., megafu ta pangingikil na ta kwartu kan isa nga aplikante ya pulis.
Nekagi ni Police Supt. Chivalier Iringan, Information Officer ng Police Regional Office 2 nga nagafut i Marcelo Relos ta nekkasa da nga entrapment operation kanyaw Tuguegarao.
Yaw nga operasyon e nekkasa gafu tya reklamo kanni Relos kan Criminal Investigation and Detection Group-Cagayan nga kiniddawan na kan P100,000 ya aplikante nga i Sherwin Beneris kan Aparri,Cagayan senu makatallung laman kan PNP.
Nagafut iggina kan balay na kan Brngy.Caritan Centro, Tuguegarao City nga nasampan kan kaso nga syndicated estaffa pati ya tallu nga kavulun na nga mari peba nga nakilala.
nekagi ni Iringan nga daggun innan ya CIDG nu lehitimu ya Police Hotline Movement Inc. nga egga kanu endorsement i presidente Rodrigo Duterte
